Parsy shyǵanaǵynyń alty eli Sırııadaǵy elshilerin qaıtaryp alýda

 Bul týraly osy elder kiretin Parsy shyǵanaǵy arab memleketteri yntymaqtastyǵy keńesiniń málimdemesinde aıtylǵan, dep habarlaıdy Reuters.

Keshegi kúnnen bastap arab respýblıkasynan AQSh, Ulybrıtanııa, Frantsııa jáne Italııa elshileri ketti.

Qujatta atap ótilgendeı, bul sheshimge sırııalyq basshylyqtyń eldegi daǵdarysty eńserý men qantógistiń jolyn kesý jónindegi Keńes kómeginen bas tartýy sebep boldy. «Keńes múshe-elderi sırııa halqyna qatysty zombylyqtyń órshýine jaýap retinde batyl sheshimderdi qolǵa alýdy qajet dep sanaıdy. Daǵdarys bastalǵannan beri bir jyl ótse de, jaǵdaıdy turaqtandyrýǵa burynǵysha úmit joq», - delingen málimdemede.

11 aqpanda Keńestiń múshe elderiniń syrtqy ister mınıstrleri Sırııadaǵy jaǵdaıdy talqylaý úshin Er-Rııadta (Saýd Arabııasy) kezdesý ótkizbek.