Parsy shyǵanaǵy elderi Tramptyń AQSh-qa musylmandardyń kirýine tyıym salý týraly málimdemesin synǵa aldy
ÁBÝ-DABI. QazAqparat - Parsy shyǵanaǵy arab memleketteriniń basshylary AQSh prezıdenttigine úmitker, respýblıkalyq partııa múshesi Donald Tramptyń málimdemesinen keıin musylmandardyń jáne sırııalyq bosqyndardyń atyna aıtylǵan qaskóılik, násilshildik sıpattaǵy sózderin synǵa aldy.
Amerıkalyq saıasatker musylmandardyń Qurama Shtattarǵa kirýine tyıym salýǵa shaqyrdy. Saýd Arabııasy, Katar, Kýveıt, Bahreın, BAÁ, Oman yntymaqtastyq keńesiniń basqarýshy kóshbasshylary - Er-Rııadaǵy arab «altylyǵy» sammıti osyǵan baılanysty alańdaýshylyqtaryn bildirdi.
Olardyń birlesken málimdemesinde bosqyndar, tutastaı musylmandarǵa qatysty qaskóılik, násilshildiktiń artýyna baılanysty Arab memleketteri yntymaqtastyǵynyń keńesi mundaı tásilderdi synǵa alatyny aıtyldy. Bul málimdemeni PShAMYK bas hatshysy Abdýlatıf bın Rashıd Ál Zaıanı jasady.
