Parsy shyǵanaǵynda Qatar áskerı tikushaǵy apatqa ushyrap, jeti adam qaza tapty
ASTANA. KAZINFORM — Eldiń aýmaqtyq sýlary ústinen ushyp bara jatqan Qatar áýe kúshteriniń tikushaǵy apatqa ushyrap, jeti adam opat boldy, dep habarlaıdy DW.
Borttaǵy alty adamnyń denesi tabylǵany týraly buǵan deıin habarlan, al taǵy bir ushqysh áli kúnge deıin habar-osharsyz.
Qatar bıliginiń málimeti boıynsha, qaza tapqandardyń tórteýi Qatar áskerı qyzmetkerleri, al qalǵan úsheýi túrik azamattary. Ankara apatqa ushyraǵan tikushaq bortynda túrik áskerı qyzmetshisi men Aselsan áskerı-ónerkásiptik korporatsııasynyń eki tehnıgi bolǵanyn naqtylady.
Qatar Qorǵanys mınıstrligi X áleýmettik jeli platformasynda tikushaq josparlanǵan jattyǵý ushýy kezinde tehnıkalyq aqaýǵa ushyraǵanyn habarlady.
Buǵan deıin Qatar áýe kúshteri eki ırandyq Sý-24 ushaǵyn atyp túsirgeni habarlanǵan bolatyn.
