Parsy shyǵanaǵynda Bolıvııanyń eki kemesimen baılanys úzildi
ASTANA. KAZINFORM – Parsy shyǵanaǵy aımaǵynda Bolıvııa týy astynda júzip júrgen eki kememen baılanys úzilgeni habarlandy. Alaıda Iraktyń teńiz porttaryna jaýapty qyzmetteri olardan eshqandaı apat dabylyn almaǵan, dep habarlaıdy Kazinform agenttigi TASS agenttigine silteme jasap.
Iraktyń Teńiz porttary jónindegi bas kompanııasynyń málimetine súıensek, eldiń aýmaqtyq teńiz basqarmasy men izdeý-qutqarý ortalyqtaryna atalǵan eki kemeden eshqandaı habarlama nemese kómek suraǵan sıgnal túspegen.
Sondaı-aq kompanııa bul kemelerdiń Iraktyń teńiz aýmaǵyna kirmegenin málimdedi.
– Parsy shyǵanaǵy aımaǵyndaǵy birneshe porttyń qaýipsizdik organdarynan, sondaı-aq eki kemeniń ıelerinen baılanys úzilgenine baılanysty qandaı da bir málimet berý jóninde hattar aldyq, – delingen INA agenttigi jarııalaǵan arnaıy málimdemede.
Irak tarapy qazirgi ýaqytta atalǵan kemelerdiń naqty qaı jerde ekenin bilmeıtinin atap ótti.
Sonymen qatar kompanııa óńir elderiniń izdeý-qutqarý qyzmetterimen birlesip, monıtorıng jumystaryn jalǵastyratynyn habarlady.
Aıta keteıik, Frantsııa NATO-nyń Ormýz buǵazyndaǵy mıssııaǵa qatysý múmkindigin joqqa shyǵardy.
