Parsy shyǵanaǵynda 132 mln barrel munaı tasymaldaǵan kemeler bógelip tur
ASTANA. KAZINFORM — Parsy shyǵanaǵy aýmaǵynda shamamen 20 myń teńizshi men 2 myńǵa jýyq keme, onyń ishinde 132 mln barrel munaı tasymaldap kele jatqan kemeler Ormýz buǵazy mańyndaǵy jaǵdaıǵa baılanysty bógelip qaldy. Bul týraly CNN arnasyna silteme jasap, BELTA habarlady.
Buǵan deıin Iran AQSh tarapynan teńiz blokadasy jalǵasqan jaǵdaıda Ormýz buǵazyn qaıta jabýy múmkin ekenin málimdegen bolatyn.
Irannyń Syrtqy ister mınıstri Abbas Arakchı atysty toqtatý kezeńinde Ormýz buǵazy arqyly barlyq kommertsııalyq kemelerdiń ótýine tolyq ruqsat berilgenin aıtqan.
Al AQSh prezıdenti Donald Tramp Vashıngton Iran porttaryna qatysty teńiz blokadasyn taraptar túpkilikti kelisimge kelgenge deıin saqtaıtynyn málimdedi.
Óz kezeginde Tasnim agenttigi Irannyń Joǵary ulttyq qaýipsizdik keńesindegi derekkózge silteme jasap, eger AQSh blokadasy jalǵassa, Iran Ormýz buǵazyndaǵy keme qatynasyn qaıta toqtatýy múmkin ekenin habarlady.
Al búgin Iran Ormýz buǵazy arqyly tranzıt úshin esep aıyrysýdy rıalmen júrgizýdi usyndy.
