Parsy shyǵanaǵy elderi men Eýroodaq Iranǵa qatysty shuǵyl jıyn ótkizedi
ASTANA. KAZINFORM — Parsy shyǵanaǵy yntymaqtastyǵy keńesi (GCC) men Eýropalyq Odaqtyń syrtqy ister mınıstrleri jedel onlaın kezdesý ótkizedi, dep habarlaıdy Report.
GCC málimdemesine sáıkes, kezdesýge Eýroodaqtyń cyrtqy ister jónindegi joǵary ókili Kaıa Kallas qatysady. Kelissózderdiń negizgi taqyryby «Irannyń Parsy shyǵanaǵy arab memleketteriniń yntymaqtastyq keńesine múshe elderge qarsy agressııasynyń saldary, aımaqtaǵy eleýli oqıǵalar jáne olardyń búkil álemge keri áseri» bolmaq.
GCC Bas hatshysy Djasım ál-Býdaıvıdiń aıtýynsha, keńes «halyqaralyq qoǵamdastyqty soǵysty toqtatý jónindegi mindettemelerin oryndaýǵa ıtermeleýge» umtylady.
Aıta keteıik, aqpannyń sońǵy kúninde Iran Parsy shyǵanaǵyndaǵy AQSh-tyń áskerı nysandaryna shabýyl jasady. Qatar, Kýveıt, BAÁ, Bahreın jáne Saýd Arabııasynda jarylystar boldy. Birqatar el zymyrandardy ustap, áýe keńistigin japty.
