Parsy shyǵanaǵy elderi yntymaqtastyq keńesi NATO-men áriptestik máselesin talqylady
ASTANA. KAZINFORM — Parsy shyǵanaǵy arab memleketteriniń yntymaqtastyq keńesi men NATO arasyndaǵy yntymaqtastyqty nyǵaıtý máseleleri talqylandy.
Parsy shyǵanaǵy arab memleketteriniń yntymaqtastyq keńesi Bas hatshysy Jasem Ál-Býdaıvı men NATO Bas hatshysynyń ońtústik kórshilik máseleleri jónindegi arnaıy ókili Haver Kolomına Mıýnhen qaýipsizdik konferentsııasy aıasynda kezdesý ótkizdi.
— Kezdesý barysynda birqatar másele talqylandy. Ásirese Parsy shyǵanaǵy arab memleketteriniń yntymaqtastyq keńesi Bas hatshylyǵy men NATO Bas hatshysynyń ońtústik kórshilik máseleleri jónindegi arnaıy ókildigi arasyndaǵy baılanystardy nyǵaıtý joldaryna erekshe nazar aýdaryldy, — delingen keńestiń baspasóz qyzmetiniń habarlamasynda.
Taraptar sondaı-aq ózara qyzyǵýshylyq týdyratyn óńirlik jáne halyqaralyq kún tártibindegi máseleler boıynsha pikir almasty.
Buǵan deıin Donald Tramp NATO Bas hatshysymen kelissózderden keıin EO-nyń 8 eline salynatyn baj salyǵyn alyp tastady.