Paromda shyqqan órtten bes adam qaza taýyp, qalǵandary qutqaryldy
ASTANA. QazAqparat - Qutqarý jumystary qıyn jaǵdaılarda júrgizildi. Italıandyq paromda shyqqan órtte bes adam qaza taýyp, qalǵandary qaýipsiz jerge shyǵaryldy.
Ol grektiń Korfý aralynyń mańynda apatqa ushyraǵan.
Parom bortynda 478 adam bolǵan.
Italııa premer-mınıstri Matteo Rentsı habarlaǵandaı, qutqarý jumystary aıaqtaldy, parom bortynda onyń kapıtany men 4 qutqarýshy ǵana qaldy.
Grekııa resmı tulǵalarynyń habarlaýynsha, bir adam janyp jatqan kemeden shyqpaq bolǵan kezde qaza tapty. Keıinirek sýdan taǵy tórt máıit shyǵaryldy.
Qutqarý jumystary jel men qoıý tútinge qaramastan túni boıy júrgizildi.
Italııanyń syrtqy ister mınıstri Paolo Djentılonı qutqarý operatsııasyna qatysqan elderdiń jumysy jetkilikti úılestirilmedi degen boljamdy joqqa shyǵardy.
"Italııa, Grekııa jáne Albanııa bul operatsııada bir-birimen kelisip jumys isteýde", - dedi ıtalıandyq SІM basshysy.
