«Parnıktik gazdar shyǵaryndylaryna kvotalar berý qaǵıdalaryn bekitý týraly» qaýlyǵa ózgerister engizildi
QazAqparat qujattyń mátinin taratady.
Qazaqstan Respýblıkasy Úkimetiniń qaýlysy № 153
2013 jylǵy 19 aqpan Astana, Úkimet Úıi
«Parnıktik gazdar shyǵaryndylaryna kvotalar berý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 7 mamyrdaǵy№ 584 qaýlysyna ózgerister men tolyqtyrý engizý týraly
Qazaqstan Respýblıkasynyń Úkimeti qaýly etedi:
1. «Parnıktik gazdar shyǵaryndylaryna kvotalar berý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 7 mamyrdaǵy № 584 qaýlysyna (Qazaqstan Respýblıkasynyń PÚAJ-y, 2012 j., № 48, 653-qujat) mynadaı ózgerister men tolyqtyrý engizilsin:
kórsetilgen qaýlymen bekitilgen parnıktik gazdar shyǵaryndylaryna kvotalar berý qaǵıdalarynda:
2-tarmaqtyń 8) tarmaqshasy mynadaı redaktsııada jazylsyn:
«8) sertıfıkat - tabıǵat paıdalanýshyǵa parnıktik gazdar shyǵaryndylaryn azaıtý jáne kómirtegi birlikteriniń saýdasyna qatysý jónindegi óz mindettemelerin oryndaý maqsatynda beriletin parnıktik gazdar shyǵaryndylarynyń ruqsat etilgen kólemin belgileıtin qujat.»;
13-tarmaq mynadaı redaktsııada jazylsyn:
«13. Kvotalar bólýdiń ulttyq josparyna engizilgen qoldanystaǵy qondyrǵylar boıynsha sertıfıkattar alýǵa arnalǵan qujattar onyń qoldanystaǵy alǵashqy jylynyń 1 mamyryna deıin beriledi.»;
14-tarmaq mynadaı mazmundaǵy ekinshi bólikpen tolyqtyrylsyn:
«2012 jylǵy 31 jeltoqsanǵa deıin paıdalanýǵa engizilgen jáne Qazaqstan Respýblıkasy Úkimetiniń 2012 jylǵy 13 jeltoqsandaǵy №1588 qaýlysymen bekitilgen Parnıktik gazdar shyǵaryndylaryna 2013 jylǵa arnalǵan kvotalar bólýdiń ulttyq josparyna engizilmegen jańa qondyrǵylar boıynsha ótinish 2013 jylǵy 1 maýsymǵa deıin beriledi.»;
15-tarmaq mynadaı redaktsııada jazylsyn:
«15. Qorshaǵan ortany qorǵaý salasyndaǵy ýákiletti organ osy Qaǵıdalardyń 7-tarmaǵynda kórsetilgen qujattardy alǵan kúninen bastap bir aı merzim ishinde sertıfıkat beredi.»;
18-tarmaq mynadaı redaktsııada jazylsyn:
«18. Qorshaǵan ortany qorǵaý salasyndaǵy ýákiletti organ kvotalar bólýdiń ulttyq josparyna engizilgen qoldanystaǵy qondyrǵylar boıynsha tabıǵat paıdalanýshyǵa jyl saıynǵy kvotalar berýdi tabıǵat paıdalanýshylardyń Qazaqstan Respýblıkasynyń kómirtegi birlikteriniń memlekettik tizilimindegi shotyndaǵy kvota birlikteriniń tıisti sanyn esepke alý arqyly árbir esepti jyldyń 15 maýsymyna deıin qamtamasyz etedi.»
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV
