Parlamenttiń 30 jyldyǵyna arnalǵan kollektsııalyq monetalar satylymǵa shyǵady
ASTANA. KAZINFORM – Qazaqstan Ulttyq banki «Qazaqstan Respýblıkasynyń Parlamentine 30 jyl» kollektsııalyq kúmis monetalary satylymǵa shyǵatynyn habarlady.
Monetalar «Este qalatyn oqıǵalar men birtýar adamdar» serııasy aıasynda shyǵaryldy. Olardy 2026 jylǵy 10 shildeden bastap Ulttyq banktiń kazcoins ınternet-dúkeni arqyly satyp alýǵa bolady.
– Monetany daıyndaý barysynda altyn jalatý tehnologııasy qoldanylǵan. Onyń massasy – 24 gramm, dıametri – 37 mm, daıyndaý sapasy – proof, nomınaly – 1000 teńge, – delingen Ulttyq bank habarlamasynda.
Kollektsııalyq monetanyń jalpy taralymy 1000 danany quraıdy.
Aıta keteıik, buǵan deıin Ermek Serkebaevqa arnalǵan kollektsııalyq moneta aınalysqa shyǵatyny habarlandy.
