Parlamenttik reforma: Astanada jumys tobynyń besinshi otyrysy ótedi

ASTANA. KAZINFORM — 15 qańtarda Qazaqstan Respýblıkasy Memlekettik keńesshisi Erlan Karınniń tóraǵalyǵymen Parlamenttik reforma máseleleri jónindegi Jumys tobynyń kezekti, besinshi otyrysy ótedi, dep habarlaıdy «Parlamentarızm ınstıtýty» ShJQ RMK baspasóz qyzmeti.

— Otyrys barysynda Parlamenttiń kadrlyq máselelerge qatysty ókilettikteri talqylanatyn bolady, — delingen habarlamada.

Eske sala keteıik, Jumys tobynyń aldyńǵy otyrystarynda bolashaq birpalataly Parlamenttiń ataýy men ókilettikteri, depýtattarǵa qoıylatyn biliktilik talaptary, olardy saılaý tártibi, kvotalaý máseleleri, sondaı-aq jańa birpalataly zań shyǵarý organynyń zań shyǵarý qyzmetiniń negizgi qyrlary qamtylǵan birqatar ózekti taqyryptar qaralǵan bolatyn.

Sondaı-aq jaqynda Prezıdent Qasym-Jomart Toqaev Memlekettik keńesshi Erlan Qarınmen jáne Prezıdenttiń quqyqtyq máseleler jónindegi kómekshisi Erjan Jıenbaevpen jumys keńesin ótkizdi.