Parlamenttiń jańarǵan quramy qandaı bolady – sarapshy boljamy

NUR-SULTAN. QazAqparat – Pandemııaǵa jáne belgili bir shekteýlerge qaramastan, daýys berý protsesi birqalypty, retke keltirilgen jáne tıimdi ótti. Bul týraly Sailau Talks-2021 sharasynda QR Prezıdenti janyndaǵy Qazaqstan strategııalyq zertteý ınstıtýtyndaǵy Áleýmettik zertteýler bóliminiń basshysy Madına Nurǵalıeva aıtty, dep habarlaıdy QazAqparat tilshisi.

«Bul jolǵy saılaý qazirgi kún tártibindegi negizgi jáne ózekti bolyp otyrǵan qoǵamdyq-saıası jáne áleýmettik-ekonomıkalyq máselelerge halyqtyń nazaryn aýdartqany sózsiz. Pandemııaǵa jáne belgili bir shekteýlerge qaramastan, daýys berý protsesi birqalypty, retke keltirilgen jáne tıimdi ótti. Saılaýǵa halyqtyń 60%-dan astamy qatysty», - deıdi QR Prezıdenti janyndaǵy Qazaqstan strategııalyq zertteý ınstıtýtyndaǵy Áleýmettik zertteýler bóliminiń basshysy Madına Nurǵalıeva.

Sarapshynyń aıtýynsha, Qazaqstan saılaýdy sátti ótkize aldy.

«Qazaqstannyń saılaýdy sátti ótkize alǵany qýantady. Qorytyndyǵa súıensek, saılaý sátti ótti. Qoǵamnyń turaqtylyqty qalaýǵa qatysty úmiti aqtaldy», - deıdi ol.