Parlamenttiń jańadan saılanǵan depýtattary Qazaqstan halqyna ant berdi
ASTANA. QazAqparat - Búgin Parlament Senatynyń jalpy otyrysynda jańadan saılanǵan depýtattar ant berdi, dep habarlaıdy QazAqparat.
Ant bergenderdiń qatarynda Sáýle Aıtbaeva, Rysqalı Ábdikerov, Dáýren Ádilbekov, Vladımır Volkov, Ǵumar Dúısembaev, Muhtar Jumaǵazıev, Nurlan Qylyshbaev, Edil Mamytbekov, Dúısenǵazy Mýsın, Talǵat Musabaev, Ábdáli Nurálıev, Nurjan Nursıpatov, Erik Sultanov, Narıman Tóreǵalıev, Álimjan Qurtaev boldy.
«Qazaqstan halqyna adal qyzmet etýge, Qazaqstan Respýblıkasynyń tutastyǵy men Táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin!», - dedi ant bergen senatorlar.
Eske salaıyq, QR Parlamentiniń Senatyna saılaý Prezıdenttiń 2017 jylǵy 28 sáýirdegi Jarlyǵyna, QR Konstıtýtsııasyna jáne «Qazaqstan Respýblıkasyndaǵy saılaý týraly» Konstıtýtsııalyq zańyna sáıkes júrgizildi. Ár oblystan, Astana jáne Almaty qalalarynan bir depýtattan, barlyǵy 16 depýtat saılandy.
Saılanǵan depýttardyń 7-eýin máslıhattar usynsa, 9-y ózin-ózi usynǵandar.
