Parlamenttiń osy aptadaǵy jumys jospary qandaı
ASTANA. QazAqparat - Búgin Ortalyq kommýnıkatsııalar qyzmetiniń resmı ókili Murat Jumanbaı Parlamenttiń osy aptadaǵy jumys josparyn jarııalady, dep habarlaıdy QazAqparat tilshisi.
Onyń aıtýynsha, erteń, aqpannyń 28-i kúni Parlament Májilisiniń áleýmettik-mádenı damý komıtetinde Qazaqstan respýblıkasynda mindetti áleýmettik medıtsınalyq saqtandyrý júıesin engizýge daıyndyq barysy qaralady.
«1 naýryzda Parlament Senatynyń konstıtýtsııalyq zańnama, sot júıesi jáne quqyq qorǵaý organdary komıtetiniń depýtattary memlekettik bılik tarmaqtary arasynda ókilettilikterdi qaıta bólý máseleleri jónindegi konstıtýtsııalyq reformanyń jobasy boıynsha Bas prokýratýra men Joǵarǵy sottyń basshylyǵymen kezdesedi. Osy kúni Parlament Májilisiniń plenarlyq otyrysynda deneshynyqtyrý jáne sport máseleleri boıynsha túzetýlerdiń jobasy qaralady. Sondaı-aq profıldi komıtetterde palataǵa túsken jańa zań jobalarynyń qorytyndysyn daıyndaý merzimi belgilenedi de kútilýde", - dep atap kórsetti Jumanbaı.
Al naýryzdyń 2-sinde Parlament Májilisiniń agrarlyq máseleleri jónindegi komıtettiń otyrysy ótedi. Onda aýyl sharýashylyǵy salasynda jańa texnologııalardy engizý máselesi talqylanady degen jospar bar.
