Parlamenttiń ókilettigin keńeıtý úshin barynsha ońtaıly sheshim tabýymyz qajet-QR Prezıdenti N. Nazarbaev
ASTANA. 8 sáýir. QazAqparat / Qanat Mámetqazyuly/ -Búgin Astanadaǵy Táýelsizdik saraıynda ótken ulyqtaý rásiminde Qazaqstan halqyna Ant berip, jańa prezıdenttik merzimge resmı kiriskennen keıin sóılegen sózinde QR Prezıdenti Nursultan Nazarbaev qoǵamdy demokratııalandyrýǵa baǵyttalǵan jumystar jalǵasatynnyn jetkizip, bul rette Parlamenttiń ókilettigin keńeıtý úshin barynsha ońtaıly sheshim tabýymyz qajettigin atap kórsetti.
«Biz ashyq ekonomıkaly, demokratııalyq saıası júıeni quratyn bolamyz. Bizdiń reformalardyń dınamıkasy júzdegen jyldar boıy demokratııasy damyǵan kez kelgen elderge qaraǵanda asa bıik. Biz ózimizdiń qoǵamdy demokratııalandyrýǵa baǵyttalǵan jumystarymyzdy jalǵastyra beretin bolamyz. Parlamenttiń ókilettigin keńeıtý, Úkimettiń jaýapkershiligin arttyrý, saılaý úderisi zańnamasyn jetildirý úshin eń ońtaıly sheshimder tabýymyz kerek. Bıliktiń ortalyqsyzdanýy, óńirlerdiń ókiletterin kóterý úshin teńgerimdi sheshimder tabýymyz kerek. Saıası mádenıetti de damytý qajet», - dedi Elbasy.
Sonymen qatar Prezıdent ótken saılaýda birinshi ret «qara pıar» bolmady degen pikirin bildire kele, sol úderistiń tynysh jaǵdaıda ótkenin aıtyp, bunyń aldaǵy saılaý naýqandaryna úlgi bolýy tıistigin basa aıtty. «Tek osy jaǵdaıda ǵana bizde naǵyz demokratııa, tıimdi kóppartııalyq júıe damıdy», - dedi N. Nazarbaev.
