Parlamenttiń qos Palatasy arasyndaǵy zań jobasyna qatysty qaıshylyqtarǵa baılanysty kelisim komıssııasy ortaq sheshimge keldi

Erteń, mamyrdyń 19-y kúni Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine órt qaýipsizdigi máseleleri boıynsha ózgerister men tolyqtyrýlar engizý týraly» zań jobasy boıynsha Parlamenttiń Májilisi men Senaty arasyndaǵy kelispeýshilikterdi eńserý jónindegi kelisim komıssııasynyń usynystary qaralady, dep habarlaıdy QazAqparat.

Májilis pen Senat depýtattarynan quralǵan kelisim komıssııasy atalǵan zań jobasyn qarap shyǵyp, qaýly shyǵardy. Aıta ketý kerek, birqatar baptardyń keıbir tamaqtary men tarmaqshalary negizinen qos Palatanyń usynystary boıynsha birlesken redaktsııada jazylǵan.

Zań jobasyn qabyldaý nátıjesinde memlekettik órt baqylaýy adamdar jappaı jınalatyn tynys-tirshilikti qamtamasyz etý nysandarynda, sondaı-aq memlekettik menshiktegi obektilerde mindetti túrde saqtalady.