Parlamenttiń kezekten tys saılaýyn neǵurlym qysqa merzimde ótkizý kerek - Perýashev
ASTANA. QazAqparat - Ulttyq kásipkerler partııasy retinde biz Parlamenttiń kezekten tys saılaýyn neǵurlym qysqa merzimde ótkizý kerek dep sanaımyz. Búgin Májiliste ótken brıfıngte Parlamenttegi «Aq jol» partııasy fraktsııasynyń tóraǵasy, depýtat Azat Perýashev osylaı málimdedi.
«Búgingideı elimiz úshin asa mańyzdy ári jaýapty kezeńde jyl boıy saılaýǵa alańdamaı Parlamenttiń kezekten tys saılaýyn neǵurlym qysqa merzimde ótkizý kerek dep sanaımyz. Sosyn, Qazaqstanda keleli jańartatyn tyń iske kezek kúttirmeı kirisken abzal», dedi brıfıngte Azat Perýashev. Bul rette depýtat «Aq jol» partııasynyń fraktsııasy besinshi shaqyrylǵan Májilistiń ózin ózi taratýyn tolyǵymen qoldaıtynyn málimdedi.
