Parlamenttiń kezekten tys saılaýy Qazaqstandaǵy túbegeıli ózgeristerdiń kórinisi - Norvegııa baıqaýshysy
ASTANA. QazAqparat - Parlamenttiń kezekten tys saılaýy - Qazaqstandaǵy túbegeıli ózgeristerdiń kórinisi. Búgin QR Parlamenti Májilisin saılaý barysyn baqylaýǵa kelgen sheteldik delegattardyń baspasóz máslıxatynda Norvegııalan kelgen xalyqaralyq baıqaýshy, Frogne qalasynyń qurmetti meri Týre Vestbı osylaı málim etti.
«Men Qazaqstanǵa kelgenime óte qýanyshtymyn. Sizderdiń demokratııalyq saılaýdy ótkizý nıetterińizdi aıryqsha atap ótkim keledi. Qazaqstan saılaýdy meılinshe ashyq ótkizýge nıetti ekeni kórinip tur. Shetelden kóptegen xalyqaralyq baıqaýshylar kelip otyr. Menińshe, bul úlken jetistik», - dep atap ótti T. Vestbı.
Onyń aıtýynsha, sheteldik baıqaýshylardy shaqyrý Qazaqstandaǵy ózgeristerdi kórsetip otyr.
«Saılaýǵa kútilgennen eki ese adam kóp kelgenin kórip otyrmyn. Osyndaı ózgerister oryn alyp jatqandyǵyna rızamyn», - dedi ol.
Aıta keteıik, QR Parlamenti Májilisiniń depýtattaryn saılaý barysyn baqylaýǵa 817 xalyqaralyq baıqaýshy men 147 sheteldik BAQ ókilderi kelip otyr.
