Parlamenttik saılaýdy merziminen buryn ótkizýdiń esh máni joq- sarapshy

ASTANA. QazAqparat - Parlamenttik saılaýdy merziminen buryn ótkizýdiń esh máni joq. Búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda QR Tuńǵysh Prezıdenti -Elbasy Kitaphanasy Strategııalyq zertteýler jáne boljaýlar bóliminiń jetekshi ǵylymı qyzmetkeri Anar Raqymjanova osylaı málim etti. Eske salaıyq, baspasóz máslıhaty N. Nazarbaevtyń bes ınstıtýtsıonaldyq reformalar aıasyndaǵy 100 naqty qadam Ult josparynyń iske asý máselelerine arnalǵan bolatyn.

Aıta keterligi, Memleket basshysy Ult jospary aıasynda Úkimet pen Parlament quzyretin keńeıtý týraly da mindetter aıqyndaǵan bolatyn. Osyǵan baılanysty brıfıng barysynda Konstıtýtsııaǵa ózgerister engizilip, Parlamenttik saılaý merziminen buryn ótedi me, degen saýaldar qoıyldy.

«Úkimet pen Parlament ókilettigin arttyrýǵa kelsek, bunyń mazmuny negizinen olar ózderi qabyldaıtyn sheshimderge jaýapkershiligine qatysty bolady dep sanaımyz. ıAǵnı, olardyń sheshimderi sońǵy ınstantsııadaǵy sheshimder retinde qarastyrylmaýy múmkin. Bul rette Úkimettiń sheshim qabyldaýyna jaýapkershiliktiń kóterilýine qatysty máseleler oryn alýy yqtımal. Al zań shyǵarýshy bılik retinde Parlament qandaı zań qabyldanýy tıistigin aıqyndaýda, zańdar qalaı daıyndalyp, onyń júzege asyrylýy barysyndaǵy ókilettigi artady. Endi merziminen buryn Parlamenttik saılaýǵa kelsek, ony ótkizýdiń esh máni de joq. Óıtkeni, saılaý báribir kelesi jylǵa josparlanǵan. Mine, soǵan deıin Parlament óziniń keleshek mindetterin de aıqyndaýy kerek», - dedi sarapshy A. Raqymjanova.