Parlamenttik saılaý reformalar turǵysynda ótti – EQYU DIAQB mıssııasynyń málimdemesi

ASTANA. QazAqparat – EQYU DIAQB mıssııasy Májilis pen máslıhattar depýtattaryn saılaýdyń aldyn ala nátıjeleri boıynsha málimdeme jasady, dep habarlaıdy QazAqparat tilshisi.

«2023 jylǵy kezekten tys parlamenttik saılaý EQYU-nyń halyqaralyq standarttar men mindettemelerine sáıkes saılaý ótkizýge Qazaqstandy jaqyndatý maqsatynda bastalǵan reformalar turǵysynda ótti. Zańnamaǵa túzetýlerde DIAQB-nyń buǵan deıingi birneshe usynymdary eskerilgen jáne saılaýshylar úshin tańdaý jasaý múmkindigin keńeıtti. Degenmen, demokratııalyq saılaýlar ótkizýge barynsha negiz qamtamasyz etý úshin normatıvtik-quqyqtyq bazalarǵa odan ary da ózgertýler engizý qajet», - delingen EQYU DIAQB mıssııasynyń málimdemesinde.

EQYU-nyń saılaýlardy baıqaý jónindegi qysqa merzimdi mıssııasynyń arnaýly úılestirýshisi ári jetekshisi Iren Charalambıdes elimizdiń barlyq óńirinde mıssııanyń 300-den qysqa merzimdi baıqaýshysy jumys istegendigin atap ótti.

«Biz naqty bir oń oqıǵalardyń kýási boldyq. Degenmen, áli de bolsa kóp nárse jasaý kerek. Bul dınamıkalyq protsess. Reforma bir kúnniń ishinde jyldam júzege asyrylmaıdy. Oǵan bılik tarapynan da, azamattardyń tarapynan da shynaıy kúsh-jiger talap etiledi», - dedi Iren Haralambıdes.

EQYU Parlamenttik assambleıasy delegatsııasynyń bastysy Reınhold Lopatkanyń atap ótýinshe, saılaý aıasyndaǵy básekelestik kúres deńgeıi aıtarlyqtaı ósken. Biraq, áli de bolsa zańdyq jáne ákimshilik qıyndyqtar bar.