Parlamenttik forýmǵa daıyndyq jumystary talqylandy

NUR-SULTAN. QazAqparat - Búgin Májiliste Palata spıkeri Nurlan Nyǵmatýlınniń tóraǵalyǵymen bıylǵy 23-24 qyrkúıekte elordada «Úlken Eýrazııa: Dıalog. Senim. Seriktestik» taqyrybynda ótetin Eýrazııa elderi parlamentteri tóraǵalarynyń IV Keńesine daıyndyq pen ótkizý jónindegi Uıymdastyrý komıtetiniń otyrysy ótti, dep habarlaıdy QazAqparat.

«Parlamenttik forým QR Tuńǵysh Prezıdenti - Elbasy Nursultan Nazarbaevtyń eýrazııalyq ıdeıasyna 25 jyl tolýyna arnalady. Májilis tóraǵasy Nurlan Nyǵmatýlın aldaǵy is-sharanyń mańyzdylyǵyna toqtalyp, forýmǵa halyqaralyq Parlament ókilderiniń qyzyǵýshylyq tanytyp otyrǵanyn atap ótti. Uıymdastyrý komıtetiniń músheleri parlamenttik forýmǵa daıyndyq máselelerin, onyń ishinde shetel parlamentteri delegatsııalarynyń qatysýyn rastaý máselelerin talqylady», - delingen Májilis baspasóz qyzmetiniń málimetinde.

Búgingi tańda forýmǵa 51 eldiń delegatsııasynyń keletindigi rastalǵan. Munymen qosa, 16-ǵa jýyq halyqaralyq uıymnyń qatysýy kútilýde.