Parlamentti taratý máselesi talqylanyp jatqan joq – Erlan Qoshanov

NUR-SULTAN. QazAqparat - QR Parlamenti Májilisiniń tóraǵasy Erlan Qoshanov baspasóz alańda BAQ ókilderiniń saýaldaryna jaýap bere otyryp, Parlamentti taratý máselesi talqylanyp jatpaǵanyn málim etti, dep habarlaıdy QazAqparat tilshisi.

«Ázirge ondaı másele talqylanyp jatqan joq. Biraq men Prezıdent saıası reformalardy jarııalaǵanyn aıta alamyn. Biz tıisti konstıtýtsııalyq jáne ózge de zańdardy jyl sońyna deıin qabyldaýymyz kerek. Ázirge ondaı máseleni talqylaǵan joqpyz», - dedi Májilis tóraǵasy,

Májilis spıkeri ózi tóraǵalyq etetin «Amanat» partııasynyń saıası naýqandarǵa daıyn ekenin de aıtty.

«Kez kelgen partııa saıası kúreske daıyn júrýi kerek. Erteń saılaý jarııalansa, árıne, bizdiń partııa daıyn», - dedi Erlan Qoshanov.

Sondaı-aq, ol «Amanat» partııasynyń atynan prezıdent saılaýyna túsý týraly jospary joq ekenin aıtty.