Parlamentte UQShU-ǵa múshe memleketterdiń aýmaqtarynda áskerı nysandardy ornalastyrý qaralady
ASTANA. 13 qańtar. QazAqparat - Búgingi dástúrli brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev Parlamenttiń jumys aptasy jaıynda aıtyp berdi.
«16 qańtarda QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń otyrysynda TMD-ǵa qatysýshy memleketter kúshteriniń áýe shabýylyna qarsy qorǵanys jónindegi kezekshilik is-qımylyn uıymdastyrý týraly kelisimdi ratıfıkatsııalaý boıynsha, condaı-aq UQShU-ǵa múshe memleketterdiń aýmaqtarynda áskerı ınfraqurylym nysandaryn ornalastyrý týraly hattamany ratıfıkatsııalaý jóninde birqatar zań jobalary qaralady. Sonymen qatar 15 qańtardaǵy plenarlyq otyrysta Parlament Májilisiniń depýtattary Qazaqstan-Vetnam úkimetaralyq ınvestıtsııalardy yntalandyrý jáne ózara qorǵaý týraly kelisim men UQShU-ǵa múshe memleketter arasyndaǵy tehnıkany jetkizý týraly kelisimdi ratıfıkatsııalaý boıynsha máslelerdi qarastyrady.
