Parlamentte merziminen buryn saılaý ótkizýge esh negiz joq – Máýlen Áshimbaev

ASTANA. KAZINFORM – Senat tóraǵasy Máýlen Áshimbaev «bıyl kúzde Qazaqstan Parlamentinde saılaý bolady» degen qaýesetke jaýap berdi. 

– Keıbireýler osyndaı aqparatty taratyp júrgen bolar. Ózderińiz kórip otyrǵandaı, Parlamentte aýqymdy zańnamalyq kún tártibi qamtylǵan. Úlken zańdardy qarap jatyrmyz. Sondyqtan qandaı da bir merziminen buryn saılaý ótedi dep aıtýǵa eshqandaı negiz joq, - dedi M. Áshimbaev Senattyń jalpy otyrysynan keıin tilshiler suraǵyna jaýap bere otyryp.

Osy oraıda ol Parlament, onyń ishinde Senat zańnamalyq tıisti tártipte jumys istep, qazirgi sessııa aıasynda palatada mańyzdy zańdar talqylanyp jatqanyn aıtty.

– Aldaǵy ýaqytta da úlken zańdardy qaraımyz, - dedi Máýlen Áshimbaev. 

Budan buryn habarlanǵandaı, bıyl naýryz aıynda Parlament Senatynyń tóraǵasy Máýlen Áshimbaev keshe Memleket basshysynyń qatysýymen ótken Ulttyq quryltaıdy qorytyndylap, jıynda aıtylǵan basty jaıttarǵa toqtaldy.