Parlamentte qabyldanyp jatqan zań jobalary halyqqa túsinikti tilde jetpeı otyr - Májilis depýtaty
«Bizdiń depýtattyq saýalymyzǵa saılaýshylarmen kezdesýimizde jáne áleýmettik jelilerden Parlament qabyrǵasynda qabyldanyp jatqan zań jobalary halyqqa qarapaıym ári túsinikti tilde jetpeıtini týraly aryz-shaǵymdary sebep bolyp otyr», deıdi Fahrıddın Qarataev.
«Biz úshin qarapaıym adamdardyń áleýmettik jaǵdaıyn bilý jáne oǵan der kezinde den qoıý óte mańyzdy. Sondyqtan, ýaqtyly den qoıý árqashan bizdiń basymdyǵymyz bolyp tabylady», - dep Prezıdent Q.Toqaev óz sózinde birneshe ret atap ótti jáne halyqtyń suranystaryna jedel den qoıýdy jáne túsindirý jumystaryn júrgizýdi tapsyrdy.
Alaıda, óńirlerge issapar barysynda – halyq qabyldanyp jatqan zańdardan kóp jaǵdaıda beıhabar qalatyny belgili boldy. Atap ótetin bolsaq, Parlamentte qabyldanǵan zań óńirlerge, halyqqa qarapaıym tilde túsindirilip jetkizilmeıdi. Kezdesýde azamattardyń kóbisiniń suraǵy memlekettik, áleýmettik baǵdarlamalarǵa, zańdarǵa jáne shaǵyn kásipkerlikti damytý úshin beriletin túrli granttarǵa, aýyl sharýashylyǵyn damytýǵa qatysty sýbsıdııa máselelerine qatysty bolyp otyr. Sol sebepti halyqqa zańdy, túrli baǵdarlamalardy ashyq, qarapaıym tilde túsindire alý jáne ony barynsha taratý máselesin tıisti mınıstrilikter men jergilikti atqarýshy organdar qolǵa alýy qajet dep esepteımiz.
Óıtkeni Zańnyń der kezinde halyqqa durys túsindirilmeý saldarynan áleýmettik jelidegi belsendiler, táýelsiz sarapshylar, zańdy óz paıym-túsinigi sheńberinde taldap, talqylap jatady. Olar halyqpen qarapaıym ári túsinikti tilde sóılesedi, sondyqtan olardyń bedeli kúnnen kúnge ósýde. Al tıisti memlekettik organnnyń túsindirmesi keshigip, qoǵam qyzý talqylaǵannan keıin ǵana resmı túrde taratyla bastaıdy. Mysal retinde, memleketpen kredıtter keshiriletin boldy dep júzdegen adam Almatydaǵy Ulttyq banktiń esiginiń aldyna baryp, aryzyn ótkizemiz dep álekke tústi. ıAǵnı halyq pen bılik arasyndaǵy medıa kommýnıkatsııasy jumys jasamaıtyny úlken máselege aınalyp otyr.
Memleket basshysy Qasym-Jomart Toqaevtyń Qazaqstan halqyna «Syndardy qoǵamdyq dıalog – Qazaqstannyń turaqtylyǵy men órkendeýiniń negizi», atty Qazaqstan halqyna joldaýynda «Halyq únine qulaq asatyn memleket» tujyrymdamasyn iske asyrý – bárimizge ortaq mindet ekenin atap ótti. Sondyqtan da, saılaýshylarmen tyǵyz qarym qatynasta bolyp, zań sheńberinde bolyp jatqan barlyq ózgeristerdi naqty jáne túsinikti tilde jetkizip, halyqtyń keń aýqymyn qamtýmen barshamyz birigip túsindirý jumystaryn qolǵa alýmyz qajet dep esepteımiz.
Toqsan aýyz sózdiń tobyqtaı túıini - búgingi tańda, zańdardy halyqqa túsinikti ári qarapaıym tilde jetkizý, barynsha keń aýqymdy qamtý jumystarynyń aqsap turǵany, jetkiliksiz ekendigi baıqalyp otyr.
Elińe qarap, erteńińe qamdan - demekshi, qurmetti Qanat Sergeıuly, sizden:
1. Qabyldanyp jatqan Zańdardy túsindirý jáne aqparattyq súıemeldeý baǵdarlamasynyń oryndalýyn Qazaqstan Respýblıkasynyń Ádilet mınıstrligi men Aqparat jáne qoǵamdyq damý mınıstrligi, jergilikti atqarýshy organdardyń, Ádilet departamentteriniń zań bólimsheleri jáne qala oblys, aýdan, aýyl, deńgeıindegi máslıhat depýttatarymen jáne ákimdikterdiń ishki saıasat bólimderimen birlesip úgit - nasıhat júrgizip, halyqqa áleýmettik jeliler jáne bul týraly buqaralyq aqparat quraldary (BAQ) arqyly túsindirý jumystaryn júrgizýdi;
2. Turǵyndarymyzǵa zańdardy túsinikti tilde jetkizý maqsatynda memlekettik baǵdarlama jáne zań jobasynyń normalaryn azamattarǵa jiktep túsindirýge baǵyttalǵan respýblıkalyq deńgeıde is-sharalardy uıymdastyrýdy;
3. «Nur Otan» partııasynyń saılaýaldy baǵdarlamasynda «Ózgeris joly: árkimge laıyqty ómir!» baǵdarlamysynda azamattarymyzdyń ál-aýqatyn arttyrý boıynsha barynsha oılastyrylǵan sharalar qamtylǵan. Osylaısha otandastarymyzdyń áleýmettik-ekonomıkalyq jaǵdaıyn jaqsartýǵa qatysty zań jobasy men túrli baǵdarlamalardyń túsindirilý jónindegi júıeli jumystardy júrgizýdi, oǵan turaqty túrde monıtorıng júrgizýdi usynamyz.
Depýtattyq saýalǵa «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýtsııalyq Zańynyń 27-babyna sáıkes jaýap berýińizdi suraımyz», dep atap ótilgen depýtattyq saýalda.
