Parlamentte halqymyzdyń taǵdyry týraly keń aýqymdy pikirtalas bolýy kerek – Prezıdent

NUR-SULTAN. QazAqparat – Parlamentte elimizdiń bolashaǵy týraly, elimizdiń, halqymyzdyń taǵdyry týraly keń aýqymdy pikirtalas bolýy kerek, dep habarlaıdy QazAqparat tilshisi.

«Kóńil-kúıim kóterińki. Qarasam, halqymyz belsendi túrde daýys berip jatyr. Jalpy belsendilik óte joǵary. Sondyqtan saılaý ádil jáne jaqsy ótedi dep oılaımyn. Biz Qazaqstanymyzdyń bolashaǵy úshin, elimizdiń bolashaǵy úshin daýys berip jatyrmyz. Sol sebepti Parlamentte elimizdiń bolashaǵy týraly, elimizdiń, halqymyzdyń taǵdyry týraly keń aýqymdy pikirtalas bolýy kerek», - dedi Qasym-Jomart Toqaev elordadaǵy Oqýshylar saraıynda ornalasqan №58 saılaý ýchaskesinde daýys bergennen keıin BAQ ókilderine bergen suhbatynda.