Parlamentte Frantsııamen qylmystyq ister boıynsha quqyqtyq kómek týraly zań jobasy qaralýda -Bas prokýratýra
Sharttarǵa mynalar kiredi:
- qylmystyq ister boıynsha quqyqtyq kómek týraly;
- qylmyskerlerdi ustap berý týraly;
- sottalǵan adamdardy berý týraly.
Sonymen qatar Qazaqstan quramyna Soltústik jáne Ońtústik Amerıkanyń 27 eli kiretin 3 amerıkaaralyq konventsııalardyń (ustap berý týraly, qylmystyq ister boıynsha quqyqtyq kómek týraly, shetelde qylmystyq jazasyn óteý týraly) tolyq qatysýshysy bolyp tabylady.
Qazirgi ýaqytta Memleket basshysynyń jarlyqtarymen Perý Respýblıkasymen barlyq sharttar, Malaızııamen ustap berý týraly, Mysyrmen qylmystyq ister boıynsha quqyqtyq kómek týraly jáne ustap berý týraly sharttar maquldanǵan jáne qol qoıýǵa daıyn.
Parlamentte Frantsııamen qylmystyq ister boıynsha quqyqtyq kómek týraly jáne Ózbekstanmen sottalǵan adamdardy berý týraly sharttardy ratıfıkatsııalaý týraly zań jobalary qaralýda.
Mysyr jáne Izraıldik áriptestermen sottalǵandardy berý, Argentınamen qylmystyq ister boıynsha quqyqtyq kómek kórsetý jáne ustap berý, Portýgalııa, Slovakııa, Latvııa jáne Iranmen qylmystyq ister boıynsha quqyqtyq kómek kórsetý týraly, al Marokkomen barlyq úsh kelisimge qol qoıý jóninde kelissózder júrgizilýde.
Qol jetkizilgen quqyqtyq baza jáne sheteldik áriptestermen ornatylǵan baılanystar qylmystyq-quqyqtyq salada tyǵyz yntymaqtasýǵa jáne qylmyskerlerdi jazalaýdyń bultartpastyǵyn qamtamasyz etýge múmkindik berdi.
2022 jyly izdeýde júrgen adamdardy ustap berý týraly 50 suraý salý shet memlekettermen qanaǵattandyrylǵan.
Mysaly, ótken jyly Bahreın Koroldiginen kámeletke tolmaǵandar saýdasyna, atap aıtqanda, qyzdardy Qazaqstannan Bahreınge jynystyq paıdalanýǵa jibergeni úshin kúdikti A.Pıchýgına ustap berilgen.
Sol sııaqty «RBK banki» AQ-nyń 15 mln AQSh dollarynan astam somasyn urlady degen kúdikti V.Vlasov, qarjy pıramıdasyn («Qi TRADE Kazakhstan», «Vygodnye zaımy») qurǵany jáne basshylyq etkeni úshin izdeýde júrgen S.Absametova, B.Tomın jáne E.Sharıfýllın, sondaı-aq quramynda 1 mlrd. teńgeden astam somaǵa altyny bar materıaldy qylmystyq toptyń quramynda urlaǵany úshin A.Tımakov Reseımen ustap berilgen.
Transulttyq uıymdasqan toptyń quramynda asa iri mólsherde altyn men zergerlik buıymdardyń ekonomıkalyq kontrabandasy úshin izdeýde júrgen Tastan Ebýbekırdi ustap berý týraly suranys Qyrǵyzstanmen qanaǵattandyrylǵan.
Atys qarýyn qoldaný arqyly aýyrlatatyn mán-jaılarda kisi óltirgeni úshin izdeýde júrgen O.Issaly men B.Isabekov Tájikstannan ekstradıtsııalanǵan.
Alaıaqtyq jolymen 288 mln teńgeni urlyq jasaǵany úshin Qazaqstannyń quqyq qorǵaý organdary izdep júrgen A.Smalbaevany Ózbekstan tarapy ustap bergen.
Oǵan qosa, Memleket basshysynyń tapsyrmasy negizinde shetelden zańsyz shyǵarylǵan aktıvterdi qaıtarý boıynsha keshendi jumys júrgizilýde. Ekonomıkalyq resýrstardyń zańsyz shoǵyrlanýyna qarsy is-qımyl máseleleri jónindegi vedomstvoaralyq komıssııa jumys júrgizýde, oǵan basshylyqty Bas prokýror júrgizýde.
Úkimetpen jáne basqa da múddeli memlekettik organdarmen birlesip zańsyz shyǵarylǵan aktıvterdi qaıtarý jónindegi qosymsha sharalar keshenin qamtıtyn zań jobasyn ázirleýde.
