Parlamentte azamattyq qorǵanys júıesin jetildirý taqyrybynda Úkimet saǵaty ótti
ASTANA. Jeltoqsannyń 14-i. QazAqparat /Qanat Mámetqazyuly/ - Búgin QR Parlamenti Májilisinde «Qazaqstan Respýblıkasyndaǵy azamattyq qorǵanys júıesin jetildirý sharalary» atty taqyrypta Úkimet saǵaty bolyp ótti.
Onda QR Tótenshe jaǵdaılar mınıstri Vladımır Bojko baıandama jasady, dep habarlaıdy QazAqparat.
«Qazaqstan-2030» uzaqmerzimdi strategııasy aıasynda Tótenshe jaǵdaılar mınıstrligi 2009-2011 jyldarǵa arnalǵan strategııalyq jospary sheńberinde birqatar keshendi, quqyqtyq uıymdastyrý sharalaryn júzege asyryp keledi. Bul baǵytta tabıǵı jáne tehnogendik sıpattaǵy tótenshe jaǵdaılardyń yqpalynan halqymyzdy jáne el aýmaǵyn qorǵaý jáne aldyn alý jóninde is-sharalar atqarylýda. Sonymen birge, mınıstrlik tarapynan turaqty túrde tótenshe jaǵdaılardy eskertý, aldyn alý jáne saldaryn joıýǵa baǵyttalǵan jáne osy baǵyttaǵy memlekettik rezerv salasyndaǵy zańnamalyq bazalardy jetildirý qolǵa alynyp otyr», dep atap ótti Úkimet saǵaty barysynda V. Bojko.
Onyń aıtýynsha, 2009 jyly Tótenshe jaǵdaılar mınıstrliginde ákimshilik reformalaý jumystary aıaqtalyp, vedomstvonyń barlyq júıesi jańa fýnktsıonaldy ońtaıly qurylym retinde qalyptasa bastady. Atap aıtqanda, aýmaqtyq organdardaǵy azamattyq qorǵanystyń barlyq deńgeıi men baǵytynda dara basshylyq qaǵıdaty bekitilip otyr. Sonymen birge, mınıstrdiń aıtýyna qaraǵanda, daǵdarystyq jaǵdaılarda qutqarý kúshteriniń shuǵyl den qoıýy men jedel basqarýy birińǵaı kezekshi-dıspetcherlik qyzmetterin qurý arqasynda asa tıimdiligin tanytyp otyr.
«Zań shyǵarmashylyǵy jospary boıynsha azamattyq qorǵanysty jetildirý men tótenshe jaǵdaılardyń aldyn alý jáne saldaryn joıý jóninde, órt qaýipsizdigi, apattyq-qutqarý qyzmetterine baǵyttalǵan zań jobalary ázirlenýde», dedi V. Bojko.
