Parlamentte áskerılerdiń áleýmettik kepildikterin jetildirý jumysynyń jalǵasýy mańyzdy – mınıstr
«Bul saılaýdyń ereksheligi partııalyq tizim boıynsha da, bir mandatty aýmaqtyq saılaý okrýgteri boıynsha da ótýinde. Biz úshin Parlamentte áskerı qyzmetshilerdiń áleýmettik kepildikterin zańnamalyq jetildirý, zeınetaqymen qamsyzdandyrý jáne Otan qorǵaýshy mártebesin nyǵaıtý jumystarynyń jalǵasýy óte mańyzdy», - dep atap ótti general-polkovnık Rýslan Jaqsylyqov.
Aıta keteıik, qazirgi ýaqytta áskerı bólimder men áskerı oqý oryndarynda uıymdastyrylǵan 21 saılaý ýchaskesinde Qarýly kúshterdiń merzimdi qyzmettegi sarbazdary men kýrsanttarynyń daýys berýi júrip jatyr.
Qorǵanys mınıstrliginen málim etkendeı, áskerı qyzmetshilerdiń, onyń ishinde jaýyngerlik kezekshilik atqaratyndardyń, narıadta jáne issaparda júrgenderdiń saılaý quqyǵyn iske asyrý úshin bar jaǵdaı jasalǵan.
