Parlamentte Ar-namys kodeksine Elbasynyń Jarlyǵymen engizilgen tolyqtyrýlar jóninde dáris oqyldy
ASTANA. 22 sáýir. QazAqparat - Búgin Qazaqstan Respýblıkasy Parlamenti Májilisiniń Apparat qyzmetkerlerine arnalǵan oqýy bolyp ótti.
Bul apparattyq oqý «Qazaqstan Respýblıkasy memlekettik qyzmetshileriniń ar-namys kodeksi (Memlekettik qyzmetshilerdiń qyzmet etıkasy erejeleri) týraly» taqyrypty qamtydy. Apparat qyzmetkerleri aldynda Qazaqstan Respýblıkasy Prezıdentiniń janyndaǵy Memlekettik basqarý akademııasy fılosofııa jáne basqarý ádisnamasy kafedrasynyń meńgerýshisi, dotsent, fılosofııa ǵylymdarynyń kandıdaty Raýshan Júsipova baıandama jasady.
Baıandamashy Qazaqstan Respýblıkasy Prezıdentiniń 2005 jylǵy 3 mamyrdaǵy №1567 Jarlyǵymen bekitilgen Qazaqstan Respýblıkasy memlekettik qyzmetshileriniń ar-namys kodeksine (Memlekettik qyzmetshilerdiń qyzmet etıkasy erejeleri) 2011 jyly 1 sáýirdegi Elbasynyń №1180 Jarlyǵymen engizilgen tolyqtyrýlar jóninde jan-jaqty aıtyp berdi.
