Parlamentshilerimiz Palermodaǵy transulttyq uıymdasqan qylmyspen kúres máselelerin talqylaýǵa belsendi túrde qatysty

dep habarlaıdy Senattyń baspasóz qyzmeti.

Bul taqyrypqa arnalǵan konferentsııa barysynda sóz alǵan Qazaqstannyń parlamenttik delegatsııasynyń basshysy Qýanysh Sultanov «barlyq elderge áser ete bastaǵan sybaılas jemqorlyq áleýmettik qater» ekenin aıta kelip, «bul áleýmettik qaýip qazirgi jaǵdaıda memleket ishindegi problemadan jahandyq máselege aınalyp otyr», dedi.

Qazaqstan sybaılas jemqorlyqpen kúres salasyndaǵy zańnamalardy maqsatty túrde jáne birte-birte jetildirip keledi. Bizdiń elimizdegi sybaılas jemqorlyqpen kúres memlekettik saıasattyń basty baǵyttarynyń biri bolyp belgilendi.

Sybaılas jemqorlyqtyń jahandyq sıpaty tutastaı halyqaralyq qoǵamdastyq aýqymynda laıyqty sharalar talap etetinin atap óte kelip, Q.Sultanov sybaılas jemqorlyqpen kúres salasynda Qazaqstan halyqaralyq qoǵamdastyqpen ózara belsendi áreket etip otyrǵanyn aıtty. Basqa memleketterdiń quqyq qorǵaý organdary jáne arnaıy qyzmetterimen, halyqaralyq úkimettik emes uıymdarmen yntymaqtastyqty qalyptastyrý jáne nyǵaıtý jóninde birqatar jumystar atqarylýda.

Sybaılas jemqorlyqpen kúres jónindegi barlyq mańyzdy qujattar ratıfıkatsııalandy jáne elimizdiń zańnamasy tıisti erejelerge sáıkestendirildi. Ol BUU-nyń 2000 jáne 2003 jyldarǵy konventsııalarymen birge, «Sybaılas jemqorlyq úshin qylmystyq jaýaptylyq týraly» jáne «Sybaılas jemqorlyq úshin azamattyq-quqyqtyq jaýapkershilik týraly» 1999 jylǵy Eýropalyq konventsııalar da bar.

«Bul konventsııalarǵa qosylý Eýropa Keńesi aıasyndaǵy yntymaqtastyq úshin quqyqtyq bazamen qamtamasyz etedi»,-dedi Q.Sultanov.

Pikirsaıys barysynda Májilis depýtaty Svetlana Bychkova da sóz aldy. Ol Qazaqstan bedeldi halyqaralyq uıymdarmen birlese otyryp, eldegi jáne aımaqtaǵy adam saýdasyna qarsy is-qımyl jónindegi kezek kúttirmeıtin keshendi sharalar qabyldaıtynyn aıtty jáne parlamenttik forýmda adam saýdasyna qarsy is-qımylǵa nazar aýdardy.