Parlamentshiler Tájikstan Madjlısıniń saılaýyna jáne Ýkraınadaǵy prezıdenttik saılaýdyń ekinshi kezeńine qatysýy kózdelýde
ASTANA. Qańtardyń 28-i. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen ótken Palata Bıýrosynyń otyrysynda qazaqstandyq parlamentshilerdiń Tájikstan Madjlısıniń saılaýyna jáne Ýkraınadaǵy prezıdenttik saılaýdyń ekinshi kezeńine qatysýy týraly másele sóz boldy,
dep habarlaıdy QazAqparat.
Bıýro otyrysynda Májilis depýtattarynyń aqpannyń 26-sy men naýryzdyń 1-i aralyǵynda Tájikstan Respýblıkasy Madjlısıniń saılaýyna, sondaı-aq aqpannyń 5-i men 8-i kúnderi Ýkraınadaǵy prezıdenttik saılaýdyń ekinshi kezeńine daıyndyq pen ony ótkizý barysyn baıqaý úshin Eýropadaǵy qaýipsizdik jáne yntymaqtastyq uıymy Parlamenttik Assambleıasynan baıqaýshylar mıssııasyna qatysý týraly másele qaraldy.
Sol sekildi Ýkraınadaǵy prezıdenttik saılaýdyń ekinshi kezeńine daıyndyq pen ony ótkizý barysyn baıqaý úshin Táýelsiz memleketter dostastyǵyna qatysýshy memleketter Parlamentaralyq Assambleıasynan baıqaýshylar mıssııasyna qatysý týraly da másele qaraldy.
