Parlamentshiler Soltústik Qazaqstan oblysynda «Jeke qosalqy sharýashylyq týraly» zań jobasyn talqylaıdy
ASTANA. 31 mamyr. QazAqparat - Májilistiń agrarlyq máseleler komıteti 31 mamyr men 2 maýsym aralyǵynda Soltústik Qazaqstan oblysynda kóshpeli otyrysyn ótkizedi.
Sapardyń maqsaty - «Jeke qosalqy sharýashylyq týraly» zań jobasyn talqylaý.
Kóshpeli otyrys barysynda depýtattar birqatar sharýashylyq nysandarynda bolady dep kútilýde. Sonymen qatar 2 maýsym kúni oblystyq ákimdikte Májilistiń agrarlyq máseleler komıtetiniń otyrysy ótedi dep josparlanǵan. Osy jerde memlekettik organdardyń, bıznes-qurylymdar jáne úkimettik emes uıymdardyń ókilderi qatysýymen atalǵan zań jobasy talqyǵa salynady.
Májilistiń agrarlyq máseleler komıtetiniń kóshpeli otyrysy Qazaqstan Respýblıkasy Parlamenti Májilisiniń besinshi shaqyrylymnyń birinshi sessııasyna arnalǵan negizgi is-sharalar josparyna jáne Palata Bıýrosynyń ústimizdegi jylǵy 24 mamyrdaǵy sheshimine sáıkes ótkizilip otyr.
