Parlamentshiler ekinshi sessııa barysynda 367 depýtattyq saýal joldady

Búgin besinshi saılanǵan Parlamenttiń ekinshi sessııasynyń jabylýyna arnalǵan birlesken otyrysta Májilis spıkeri Nurlan Nyǵmatýlın osylaı málim etti.

Májilis Tóraǵasynyń aıtýynsha, ótken birinshi sessııada mundaı saýaldardyń sany 300 shamasynda bolǵan edi.

«Budan bólek, zańnamalyq úderiste qoǵamnyń belsendi ári tıimdi tetigi sanalatyn parlamenttik tyńdaýlardyń da mańyzy zor. Ekinshi sessııa barysynda mundaı eki tyńdaý ótti. Onyń ishinde 2012 jyldyń jeltoqsanynda jurtshylyqty baspanamen qamtamasyz etý jaǵdaıy men perspektıvalaryna arnalǵan tyńdaý ótken edi. Buǵan depýtattyq korpýs, Úkimet ókilderi, oblys ákimderi men bank sektory, qurylys salýshylar qatysty. Problemanyń keshendi sheshimi úshin birqatar usynystar da qabyldandy», - deıdi N. Nyǵmatýlın.