Parlamentke Prezıdenttiń búkil zań shyǵarý ókilettigi beriledi - Sabılıanov
ASTANA QazAqparat - Parlamentke Prezıdenttiń búkil zań shyǵarý ókilettigi beriledi. Bul týraly QR Parlamenti Májilisiniń depýtaty Nurtaı Sabılıanov málim etti, dep habarlaıdy QazAqparat.
«Jalpy, Konstıtýtsııaǵa engiziletin ózgerister men tolyqtyrýlarǵa baılanysty Prezıdenttiń keıbir ókilettikteri Parlament pen Úkimetke beriledi. Atap aıtatyn bolsaq, Parlamentke Prezıdenttiń búkil zań shyǵarý ókilettigi beriletin bolady. Bul Parlamenttiń rólin kúsheıtedi», - dedi ol qos palatanyń birlesken otyrysy aıasynda BAQ ókilderiniń saýalyna oraı.
Depýtattyń atap ótýinshe, Úkimetke ekonomıkany basqarý, ıaǵnı memlekettik baǵdarlamalardy bekitý, onyń oryndalýyn qamtamasyz etý qyzmeti júkteletin bolady.
«Meniń oıymsha, bul Úkimettiń halyq alyndaǵy, Parlament aldyndaǵy jaýapkershiligin arttyrady. Jalpy Parlamenttiń baqylaý qyzmetiniń keńeıýiniń de áseri úlken bolady. Óıtkeni, Úkimet Parlamentke óziniń sheshimderi týraly, negizgi baǵyttary týraly baıandap otyrady. Sol kezde biz sheshimderdi ózgertýge yqpal ete alatyn bolamyz. Jalpy elimizdiń damýyna bul ózgerister úlken áserin beredi», - dedi Sabılıanov.
