Parlamentke «Ákimshilik rásimder týraly» zań jobasy engizilmek
ASTANA. QazAqparat - QR Ádilet mınıstrligi Halyqaralyq yntymaqtastyq boıynsha Germanııa qoǵamynyń járdemdesýimen «Ákimshilik rásimder týraly» Zańnyń jańa redaktsııasyn ázirledi. Bul týraly búgin Astanadaǵy ákimshilik quqyq boıynsha halyqaralyq ǵylymı-tájirıbelik konferentsııada QR ádilet mınıstriniń orynbasary Záýresh Baımoldına málim etti.
«Memlekettik organdar qyzmetin biryńǵaı quqyqtyq standarttarmen qamtamasyz etý maqsatynda biz osyndaı zańdy daıarlap, qabyldaý kerek degen sheshimge keldik. Bul qujat tıisti protsedýralyq normalardy tolyqtaı toptastyryp, ákimshilik quqyq salasynda negizgi zańnama retinde qarastyrylar edi», - dedi Z. Baımoldına.
Osy oraıda ol konferentsııadaǵy talqylaýlar barysynda jobany jetildirý úshin usynystar qaralatynyn jetkizdi. Nátıjesinde, QR Parlamentiniń qaraýyna bul zań jobasy engizilmek. Vedomstvo ókilderiniń paıymynsha, osy zańnama qandaı da bir daýly máseleler týyndaǵan jaǵdaıda quqyqtyq qatynastardy ońtaıly retteýge qaýqarly bolady.
QR Joǵarǵy Sotynyń sýdıasy Aqyltaı Qasymov ákimshilik rásimder ınstıtýty qazirgi zamanǵy ákimshilik quqyqtyń ajyramas bóligi ekenin atap ótti.
Aıta keteıik, konferentsııa jumysyna memlekettik organdardyń ókilderi, sýdıalar, prokýrorlar, advokattar, ÚEU ókilderi, alys shetel jáne TMD elderinen sarapshylar qatysýda.
