Parlamentaralyq odaqtyń mereıtoılyq assambleıasy Ózbekstanda ótedi

TAShKENT. KAZINFORM – Ózbekstannyń Olıı Majlıs Senatynda Parlamentaralyq odaq assambleıasynyń 150-shi mereıtoılyq otyrysyn uıymdastyrýǵa jaýapty komıtet músheleri bas qosty, dep habarlaıdy Kazinform agenttiginiń menshikti tilshisi.

Otyrys barysynda uıymdastyrý komıtetiniń quramy jáne is-sharalar jospary bekitildi. Mereıtoılyq assambleıaǵa shet memleketter, onyń ishinde Ortalyq Azııa elderi parlamentteriniń basshylary men músheleri qatysady.

Іs-shara «Parlamenttik qozǵalys áleýmettik progress pen ádilettilik jolynda» taqyrybymen ótedi. Onda qatysýshylar halyqty áleýmettik qorǵaý, kedeılik deńgeıin tómendetý, zań ústemdigin ornatý boıynsha ózara pikir almasady.

Aıta keteıik, prezıdent Shavkat Mırzıeev Parlamentaralyq odaqtyń mereıtoılyq assambleıasyn bıyl 5-9 sáýir aralyǵynda Ózbekstanda ótkizýdi usynǵan bolatyn.

Eske salaıyq, byltyr QR Parlamenti Májilisiniń tóraǵasy Erlan Qoshanov Jenevada ótken Parlamentaralyq odaq assambleıasynyń kezekti májilisine qatysqan bolatyn.

Sondaı-aq QR Parlamenti Májilisi men Parlamentaralyq odaq yntymaqtastyqty nyǵaıtýǵa ýaǵdalasqan edi.