Parlament jumysynyń ashyq bolýyna barlyq jaǵdaı jasalady - N. Nyǵmatýlın
«Qazirgi álemdik daǵdarys jaǵdaıynda aldymyzda turǵan eń úlken mindettiń biri - Elbasynyń bes ınstıtýttyq reformasyn iske asyrýdyń «100 naqty qadam» Ult josparyn odan ári sapaly zańdarmen qamtamasyz etý. Osy baǵytta Parlament jumysynyń ashyq bolýyna erekshe nazar aýdarylady. Sebebi biz úshin qoǵamdyq pikirlerdiń, qoǵamdyq usynystardyń mańyzy zor», - dedi N. Nyǵmatýlın.
Bul rette Májilis spıkeri Parlamentte azamattyq qoǵam men BAQ ókilderimen árbir máseleni ashyq aıtýǵa, zań jobalaryn talqylaýǵa barlyq jaǵdaı jasalatynyn málimdedi.
«Sondyqtan da, biz qos palata depýtattary aldaǵy sessııada qoǵamnyń qoldaýymen memlekettik organdarmen birlesip tabysty eńbek etemiz dep senemin», - dedi N. Nyǵmatýlın.
Budan bólek, Májilis tóraǵasy depýtattyq korpýstyń zańnamalardy túsindirý jumystaryna belsendi aralasýy da mańyzdy ekenin atap ótti. Osy arqyly halyq elimizdiń ornyqty damýy úshin qajetti qandaı zańdar qabyldanatynyn bilip otyrýy qajet.
«Parlament zańdardyń oryndalýyna qatysty jalpy baqylaý ornatý máselesine de meılinshe nazar aýdaratyn bolady. Biz zańdardyń oryndalýyna qatysty qatań, júıeli jáne tıimdi baqylaý ornatý arqyly Elbasynyń tapsyrmasyn oryndaıtyn bolamyz», - dedi spıker.
