Parlament Joǵarǵy sot Keńesi týraly Zańǵa engizilgen ózgeristerdi qabyldady
ANA. 10 jeltoqsan. QazAqparat /Qanat Mámetqazyuly/ -Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń Joǵarǵy sot Keńesi týraly» QR Zańyna ózgerister men tolyqtyrýlar engizý týraly» QR Zańyn qabyldady.
Atalǵan zań Memleket basshysynyń qol qoıýyna jiberiledi.
Esterińizge sala keteıik, qujat QR Prezıdentiniń «Qazaqstan Respýblıkasynda quqyq qorǵaý qyzmeti men sot júıesiniń tıimdiligin arttyrý jónindegi sharalar týraly» 2010 jylǵy 17 tamyzdaǵy Jarlyǵyn oryndaý maqsatynda ázirlengen. Zańǵa sáıkes Joǵarǵy sot Keńesine Joǵarǵy sot tóraǵasynyń usynýy negizinde Joǵarǵy sottyń, jergilikti jáne basqa da sottardyń qyzmetin uıymdastyrýshylyq jáne materıaldyq-tehnıkalyq qamtamasyz etý jónindegi ýákiletti organnyń basshysy qyzmetine kandıdatty taǵaıyndaýǵa jáne ony qyzmetten bosatýǵa kelisim berý týraly máseleni qaraý jónindegi ókilettikter kózdeledi. Budan bólek, oblystyq jáne oǵan teńestirilgen sottyń sýdıalary, sot alqasy tóraǵasy, sondaı-aq Joǵarǵy sot sýdıasy qyzmetine kandıdattar úshin oblystyq sottyń jalpy otyrysynyń oń qorytyndysynyń bolýy týraly talapty zańnamalyq deńgeıde reglamentteý usynylady.
