Parlament jaraqattaıtyn qarýdy aınalymnan alatyn qujatty qabyldady
ASTANA. QazAqparat - Búgin Parlament Májilisi «Qazaqstan Respýblıkasynyń keıbir zańnamalyq aktilerine ishki ister organdary máseleleri boıynsha ózgerister men tolyqtyrýlar engizý týraly» zań jobasyna Senat engizgen ózgeristerdi qarap, qujatty qabyldady.
Zań jobasy boıynsha negizinen qoldanystaǵy úsh kodekske jáne on zańǵa ózgerister men tolyqtyrýlar engiziledi. Máselen, «Jekelegen qarý túrleriniń aınalymyna memlekettik baqylaý jasaý týraly» zańǵa ózgertý qarastyrylǵan. Ol boıynsha jaraqattaıtyn qarýdy azamattyq aınalymnan alý jáne ony qyzmettik qarýdyń qataryna aýystyrý kózdeledi. Budan bólek, quqyq qorǵaý organdary qyzmetkerlerin áleýmettik qoldaý sharalary da kózdeledi.
«Senat tarapynan toǵyz túzetý engizildi. Olardyń ishinde aqparattyq tehnologııalar qaýipsizdigine qarsy, sonymen birge, terrorızm jáne ekstremızmmen baılanysty qylmystar úshin jaýapkershilikti kúsheıtýdi kózdeıdi. Budan bólek, birqatar túzetýler redaktsııalyq naqtylaý sıpatyna ıe», - dedi Májilis depýtaty Nurlan Ábdirov.
