Parlament jańa Konstıtýtsııany iske asyrý aıasynda birqatar mańyzdy zań jobasyn qarady – Qarın
ASTANA. KAZINFORM – Bıyl naýryz aıynda qabyldanǵan jańa Konstıtýtsııanyń negizgi erejeleri men normalaryn júzege asyrýǵa qatysty jumys kezeń-kezeńimen atqarylyp jatyr. Bul týraly Memlekettik keńesshi Erlan Qarın áleýmettik jelidegi paraqshasynda jazdy.
– Búgin Parlament Palatalarynyń birlesken otyrysynda depýtattar birinshi oqylymda úsh zań jobasyn qarady:
1. «Qazaqstan Respýblıkasynyń Prezıdenti týraly» Konstıtýtsııalyq zańnyń jańa redaktsııasy. Bul zań jobasynda 8 taraý men 43 bap bar.
2. «Qazaqstan Respýblıkasynyń Quryltaıy jáne onyń depýtattarynyń mártebesi týraly» Konstıtýtsııalyq zańnyń jańa redaktsııasy. Bul zań jobasynda 12 taraý men 60 bap bar.
3. «Qazaqstan Respýblıkasyndaǵy saılaý týraly» Konstıtýtsııalyq zańǵa ózgerister men tolyqtyrýlar engizý týraly».
Usynylyp otyrǵan ózgeristerdiń maqsaty: qoldanystaǵy zańnamany jańa Konstıtýtsııaǵa beıimdeý, memlekettik-saıası úlgini ınstıtýtsıonaldyq turǵydan jańartý, saıası jańǵyrý úderisin jalǵastyrý úshin júıeli quqyqtyq negiz qalyptastyrý.
Zańnamany úılestirý úderisi jáne aldaǵy ýaqytta ótetin Quryltaı saılaýy konstıtýtsııalyq qaǵıdattar men Ádiletti Qazaqstannyń qundylyqtary negizinde elimizdi órkendetýdiń jańa kezeńiniń bastalǵanyn aıǵaqtaıdy, - dep jazdy Memlekettik keńesshi.
Buǵan deıin Memlekettik keńesshi Erlan Qarın etnosaralyq kelisimdi nyǵaıtý máselelerine arnalǵan respýblıkalyq jıyn ótkizgenin jazǵan edik.
