Parlament Ulttyq qordan kepildendirilgen transfert týraly zańdy qabyldady
ASTANA. QazAqparat - Búgin Senattyń jalpy otyrysynda palata depýtattary «Qazaqstan Respýblıkasynyń Ulttyq qorynan 2016-2018 jyldarǵa arnalǵan kepildendirilgen transfert týraly» QR Zańyn qabyldady.
Zań boıynsha AQSh dollarynyń eseptelý baǵamy bir dollarǵa 300 teńge bolǵan rette kepildendirilgen transferttiń belgilengen mólsheri 15 paıyzǵa ulǵaıtylmaıtyn úsh jyldyq bıýdjetti jobalaý parametrleri qaıta qaralady. Bul rette atalǵan parametr tásilin Memleket basshysy maquldaǵanyn atap ótý qajet. Osyǵan oraı, qabyldanǵan qujat boıynsha elimizdiń Ulttyq qorynan 2016 - 2018 jyldarǵa arnalǵan kepildendirilgen transfert jyl saıyn 2 trln. 400 mlrd. teńge kóleminde aıqyndalyp otyr. 2016 - 2018 jyldarǵa aıqyndalǵan Ulttyq qordan beriletin kepildendirilgen transferttiń mólsherleri Ulttyq qorda tómendetilmeıtin qarajat qaldyǵy jónindegi prıntsıptiń oryndalýyn qamtamasyz etedi. Atap aıtqanda, tıisti qarjy jyldyń sońyna deıin Ulttyq qordaǵy qaldyq qarajat JІÓ-niń boljamdyq máninen 30 paıyz mólsherinde qamtamasyz etiledi.
Parlament qabyldaǵan Zań Memleket basshysynyń qol qoıýyna joldanady.
