Parlament tutynýshylardyń quqyn qorǵaıtyn zańdy qabyldady
ASTANA. Sáýirdiń 9-y. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Tutynýshylardyń quqyqtaryn qorǵaý týraly» zań jobasy boıynsha qos palata arasynda kelispeýshilikterdi eńserý jónindegi kelisim komıssııasynyń usynystaryn qabyldady.
Endi qujat Memleket basshysynyń qol qoıýyna jiberiledi, dep habarlaıdy QazAqparat.
Esterińizge sala keteıik, qazirgi kúni qoldanystaǵy tutynýshylar quqyqtaryn qorǵaý salasyndaǵy qatynastardy retteıtin zańnamalyq akti 1991 jylǵy qańtardyń 5-inde qabyldanǵan «Tutynýshylardyń quqyqtaryn qorǵaý týraly» Qazaq KSR zańy bolyp tabylady. Osyǵan baılanysty atalǵan zań jobasy jańa redaktsııada jasalyp otyr. Qujattyń maqsaty - osy saladaǵy zańnamany el ekonomıkasynyń qazirgi talaptaryna jáne qoldanystaǵy basqa da zańnamalarǵa sáıkes keltirý bolyp tabylady. Sonymen birge, osy saladaǵy tutynýshylardy qorǵaý júıesiniń naqty tetigi búgingi kúnge deıin qalyptaspaǵandyqtan, olardyń quqyqtaryn qorǵaý problemasy ózekti másele bolyp tabylady. Qujat osyndaı olqylyqtardyń ornyn toltyrýǵa arnalyp otyr.
Parlament Senaty qos palata arasynda qurylǵan kelisim komıssııasynyń sheshimderine tolyq qoldaý bildirdi. Nátıjesinde Parlament tarapynan atalǵan zań qabyldandy.
