Parlament túrki memleketteri arasyndaǵy elektrondy saýdaǵa arnalǵan qujatty talqylaıdy
ASTANA. KAZINFORM — Parlament Májilisiniń qaraýyna «Túrki memleketteri uıymyna múshe memleketterdiń úkimetteri arasyndaǵy tsıfrlyq ekonomıka salasyndaǵy áriptestik týraly kelisimdi ratıfıkatsııalaý týraly» zań jobasy engizildi.
— Atalǵan kelisim 2024 jylǵy 6 qarashada Bishkekte jasalǵan. Kelisimniń negizgi maqsaty — Túrki memleketteri uıymyna múshe elder arasyndaǵy elektrondy saýda arqyly yntymaqtastyqty keńeıtý, sondaı-aq kelisimge qatysyp otyrǵan memleketterdiń aýmaqtarynda tsıfrlyq ekonomıkanyń ınklıýzıvti jáne turaqty damýyna járdemdesý. Osy oraıda Májilistiń Ekonomıkalyq reforma jáne óńirlik damý komıteti zań jobasy boıynsha qorytyndy ázirleýge daıyn, — dedi depýtat Nurtaı Sabılıanov Májilistiń jalpy otyrysynda.
Eske salsaq, 15 mamyrda Túrkistanda túrki elderi memleket basshylarynyń qatysýymen beıresmı sammıt ótti. Jasandy ıntellekt jáne tsıfrlyq damý» taqyrybyna arnalǵan jıyn Qazaqstannyń tóraǵalyǵymen uıymdastyryldy. Onyń nátıjesi boıynsha Túrki memleketteri uıymyna múshe elder Túrkistan deklaratsııasyna qol qoıdy. Atap aıtqanda, osy sammıtte Qazaqstan Prezıdenti Qasym-Jomart Toqaev mańyzdy usynystaryn jarııalady.
