Parlament TMD eńbekshi-mıgranttarynyń quqyqtyq mártebesi týraly konventsııany qabyldady
ASTANA. Jeltoqsannyń 11-i. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Táýelsiz Memleketter Dostastyǵyna qatysýshy memleketterdiń eńbekshi-mıgranttary men olardyń otbasy músheleriniń quqyqtyq mártebesi týraly konventsııany ratıfıkatsııalaý týraly» Zańdy qabyldady. Qujat Elbasynyń qol qoıýyna jiberiledi,
dep habarlaıdy QazAqparat.
Atalmysh konventsııaǵa 2008 jyldyń qarashasynda Kıshıneý qalasynda qol qoıylǵan. Konventsııanyń maqsaty eńbekshi -mıgranttarǵa, olardyń otbasy múshelerine jáne qabyldaýshy memlekettiń azamattaryna qatysty teń qaraýdy qamtamasyz etý úshin jaǵdaı jasaý bolyp tabylady. Sondaı-aq qujat boıynsha konventsııaǵa qatysýshy memleketter aýmaqtary boıynsha jumys kúshiniń júrip-turýyna qolaıly sharalar qabyldaý kózdeledi. Konventsııanyń kúshi qabyldaýshy taraptyń aýmaǵynda zańdy negizde júrgen barlyq eńbekshi-mıgranttarmen olardyń otbasy múshelerine qoldanylady. Árbir eńbekshi-mıgrantpen onyń otbasy múshesi taraptardyń kez kelgeniniń aýmaǵynda onyń zańnamasyna jáne halyqaralyq sharttaryna sáıkes óziniń quqyqtyq sýbektiliginiń tanylýyna quqyǵy bar. Konventsııaǵa qatysýshylar eńbekshi-mıgranttarmen olardyń otbasy músheleriniń quqyqtaryn iske asyrýǵa kepildik beredi. Qazaqstan Respýblıkasy konventsııaǵa qosylý barysynda tıisti eskertpemen qol qoıǵan bolatyn. Onda elimizdiń eńbekshi-mıgranttardy áleýmettik qamsyzdandyrýǵa jáne olarǵa jalpy, qosymsha kásiptik bilim berýge qatysty normalardy qoldanǵan kezde Qazaqstan óziniń ulttyq zańnamasyn basshylyqqa alatyndyǵy týraly eskertpesin jazǵan.
