Parlament «ShYU-nyń terrorızmge qarsy konventsııasyn ratıfıkatsııalaý týraly» Zańdy qabyldady
ASTANA. 23 jeltoqsan. QazAqparat /Aıdar Ospanálıev/ - Búgin Parlament Senatynyń jalpy otyrysynda senatorlar «ShYU-nyń terrorızmge qarsy konventsııasyn ratıfıkatsııalaý týraly» QR Zańyn qabyldady.
Otyrysta osy qujat boıynsha baıandama jasaǵan Ulttyq qaýipsizdik komıteti tóraǵasynyń orynbasary Janat Jarasovtyń aıtýynsha, konventsııanyń maqsaty - ShYU-ǵa múshe memleketterdiń terrorızmmen jáne onyń qaýipterine qarsy is-qımyl salasyndaǵy halyqaralyq yntymaqtastyqtyń tıimdiligin arttyryp, óńirde beıbitshilik pen qaýipsizdikti qamtamasyz etýge baǵyttalǵan. Konventsııada terrorızmniń áleýmettik saıası uǵymy bekitilip, onyń qoldaný salasy aıqyndalǵan.
Sondaı-aq, onda egemendikti qorǵaý týraly normalar bekitilip, terrorızmniń aldyn alý jónindegi memlekettik is-sharalardyń tizbesi berilgen. Buǵan qosa onda zańdy tulǵalar terrorızmge qatysty bolǵan jaǵdaılarda olarǵa quqyqtyq kómek berý negizderi men tártibi jáne jaýapkershilik túrleri aıqyndalǵan.
Konventsııa 2009 jyldyń 16 maýsymynda Ekaterınbýrg qalasynda jasalǵan.
