Parlament Senatynyń jańa veb-saıty iske qosyldy

Bul týraly Qazaqstan Respýblıkasy Parlamenti Senatynyń baspasóz qyzmetinen habarlady.

Internet-resýrsty ázirleý barysynda saıtty bezendirý men qurylymynda ozyq tehnologııalyq sheshimder paıdalanyldy, onyń qyzmettik múmkindikteri jaqsara tústi. Memlekettik organdardyń saıttaryn bezendirýge qajetti talaptar, sondaı-aq sheteldik ókildi organdardyń aldyńǵy tehnologııalary da eskerildi.

Paıdalanýshylarǵa qolaıly bolý úshin elimizdiń aımaqtarynan saılanǵan Senat depýtattarynyń ınteraktıvtik kartasy ázirlendi. Saıttyń jańa nusqasynda palatanyń basty jańalyqtarynyń aýystyrmaly terezesi men foto jáne beıne materıaldar taraýy ashyldy. Keri baılanys úshin «Saıt boıynsha sizdiń pikirińiz ben usynystaryńyz» taraýy bar. Senat otyrystarynyń onlaın-translıatsııasy, tvıtter jáne rss arnalary ashyldy.

Senat veb-saıtynyń úsh tildegi - qazaq, orys jáne aǵylshyn tilderindegi tarmaqtary bar.