Parlament Senatynyń Tóraǵasy Qaırat Mámıdiń tóraǵalyq etýimen Sez Hatshylyǵynyń kezekti H otyrysy aıaqtaldy

dep habarlaıdy QR Parlamenti Senatynyń baspasóz qyzmeti.

Otyrysqa qatysýshylarǵa arnaǵan qorytyndy sózinde Q.Mámı túrli mádenıet pen dinder ókilderiniń beıbitshilik, qaýipsizdik, yntymaqtastyq, ózara syılastyq, teńdik, ádilettik pen tózimdilikti ornyqtyrýǵa degen ortaq nıetin aıǵaqtaǵan kezdesýlerdiń tabysty bolǵanyn atap ótti.

Halyqtar men dinder arasyndaǵy órkenıetti qatynastardy qalyptastyrýda konfessııaaralyq jáne mádenıetaralyq únqatysýdy qajetti jáne erekshe qural retinde ataı otyryp, tóraǵa dinı lıderderdiń aldaǵy tórtinshi Sezi tabysty ótýi úshin bul talqylaýdyń mańyzdylyǵyna toqtaldy.

Shara qorytyndylaryna qatysty Q.Mámı qol jetken ýaǵdalastyqtar beıbitshilik pen kelisimdi nyǵaıtýǵa, jer júzindegi halyqtardyń jarqyn keleshegi jolynda barlyq konfessııalardyń yntymaqtastyǵyn damytýǵa baǵyttalǵan is-qımyldy jalǵastyrý úshin berik negiz bolatynyn atap ótti.

Otyrysqa qatysýshylar Hatshylyqtyń H otyrysynyń kún tártibine engizilgen barlyq máselelerdi qarady. Dinı lıderler keńesiniń Tujyrymdama jobasy bekitilip, onynshy otyrystyń Hattamasy bekitildi.

Álemdik jáne dástúrli dinder lıderleriniń tórtinshi Sezi 2012 jyly 30-31 mamyrda Astanada ótetin boldy. Aldaǵy forýmnyń basty taqyryby «Adamzattyń tańdaýy beıbitshilik jáne kelisim» bolyp belgilendi.

Hatshylyqtyń H otyrysy jabylǵanyn jarııa etken Q.Mámı dinı lıderler Sezin ótkizý jónindegi Qazaqstan bastamasyna qoldaý bildirgeni jáne qyzý pikirsaıys órbitken qatysýshylarǵa alǵys aıtty.