Parlament Senatynyń Tóraǵasy Qasym-Jomart Toqaev Parlamentte tirkelgen jýrnalısterdi kásibı meresimen quttyqtady

Buqaralyq aqparat quraldarynyń ókilderine arnaǵan sózinde Q.Toqaev bul mereke tek baspasóz ókilderi ǵana emes, oqyrmandar men telekórermender qaýymy úshin de mańyzdy ekenin atap ótti.

«Buqaralyq aqparat quraldary qoǵam ómiriniń jarııalylyǵy men ashyqtyǵyn qamtamasyz etedi, qoǵamnyń kóńil-kúıin aıqyndaıdy. Halyq baspasózge shyn senedi, oǵan qulaq asady»,-dedi tóraǵa.

Elimizdegi júrgizilip jatqan reformalardyń tabysty júzege asýynda aqparat quraldarynyń mańyzdy rólin atap óte kelip Q.Toqaev bıik maqsattarǵa qol jetkizýde Qazaqstan halqynyń birligin nyǵaıtýdaǵy, bizdiń elimizdiń álemdik arenadaǵy bedeliniń arta túsýine olardyń úlesin joǵary baǵalady.

«Aqıqatyn aıtar bolsam, búgingi qazaqstandyq jýrnalıstıkanyń deńgeıi asa joǵary, bizdiń qarymdy qalamgerler ózderiniń sheteldik áriptesterinen artta qalǵan emes»,-dep atap ótti tóraǵa.

Parlamenttik tilshilerge qatysty tóraǵa «memlekettik organdar júıesindegi bıliktiń zań shyǵarý tarmaǵynyń róli týraly naqty jáne tolyq aqparattyń berilýi - azamattardyń quqyqtyq mádenıetiniń arta túsýine, tutas alǵanda - parlamentarızm ınstıtýtynyń damýyna yqpal etedi», dedi.