Parlament Senatynyń «Óńir» depýtattyq tobynyń veb‑paraǵy ashyldy
ASTANA. Naýryzdyń 10-y. QazAqparat /Qanat Mámetqazyuly/ ‑ Parlament Senatynyń «Óńir» depýtattyq tobynyń veb‑paraǵy ashyldy. Bul týraly atalǵan top jetekshisi senator Ermek Jumabaev málim etti,
dep habarlaıdy QazAqparat.
«Respýblıka óńirlerimen qabattasqan baılanysty odan ári jaqsartý maqsatynda «Óńir» depýtattyq toby Internet jelisinde óz paraǵyn ashýdy qolǵa alatyn boldy. Depýtattyq toptyń veb‑paraǵy Parlamenttiń saıtynda ornalasqan. Veb‑paraq arqyly toptyń erejesi, jyldyq jospary, jarııalanǵan depýtattyq saýaldary men qabyldanǵan qujattary, ótkizilgen otyrystary, sondaı‑aq máslıhattarǵa jiberilgen zań jobalarymen tanysýǵa bolady», dedi depýtattyq top jetekshisi Ermek Jumabaev.
Veb‑paraq birneshe bólimnen turady. Onda toptyń quramy týraly aqparattar da qamtylyp otyr. Toqtala ketetin jaıt, depýtattyq top otyz senatordan turady. Veb‑paraqta sondaı‑aq aǵymdaǵy jyldyń jumys jospary týraly málimetter tizimi beriledi. Fotogalereıa, otyrys stenogrammalary da jarııalanatyny josparlanǵan.
